CM in car man to lei thar a sawifiahtir dan mipuite zah lohna- MNF General Secretary
by News Editor
ZORAM TODAY| 30th July, 2025: Chief Minister Pu Lalduhoma’n car man to a lei thar a sawifiahtir dan hi Zoram mipuite hmuhsitna leh zah lohna nasa tak a ni, MNF General Secretary Lalremruata Chhangte chuan a ti.
Vawiin July ni 30, 2025 a Aizawl Press Club a chanchinbu mite a kawmna ah MNF Publicity Board member ni bawk Lalremruata Chhangte chuan, "Chief Minister Pu Lalduhoma chuan inthlan campaign laia tum engemawzat mipui hmaa a thutiam leh ZPM sorkar lakluh ni ngeiah pawh chanchinbumite hmaa a thusawi bawhchhiain ni 17.6.2025 khan Car man to tak, Rs.29,79,000/- man, Toyota Innova Hycross a lei thar a. A thutiam chiang taka a bawhchhiat avanga mipui lam atanga sawiselna-ah ngaihdam dil a hneka ZPM Party thupuangtu hmanga a insawifiah dan hi Zoram mipuite engahmaha ngaih lohna leh hmuhsitna nasa tak a ni," a ti.
"Chief Minister Pu Lalduhoma insawifiahna hi 29.7.2025 khan ZPM Spokesperson Pu K.Laltluangkima chuan chanchibumite hmaah a puang a, CM car lei thar chu ‘State khat CM chuanna atan chuan car pangngai mai a ni a. Mi ramah chuan mi satliah car ang a ni, hmeichhe khalh tawka ngaih, naupang football khel tur hruaina tawk a ni," a ti bawk.
MNF General Secretary chuan, "Mahni intiamna ngei, awlsam taka bawhchhe nghal mai duh ram hruaitu luber atana Mizoramin a nei mek hi thil vanduaithlak tak a nih piah lamah, a insawifiah zui tak dan phei hi chu amah thlang tlingtu leh chhiah petu mipuite nasa taka diriam zuina anih avangin, mipuiten an ngaihdam theih a rinawm loh a ni," a ti a.
"Cheng nuai 30 vel lai man Car thar hi mi satliah car ang, hmeichhe khalh tawk leh naupang football khel tur hruaina tawk angah Chief Minister Pu Lalduhoma hian a lo ngai anih chuan car man to a tih chu cheng engzat man chin nge? tih zawhna hi mipui hmaah a sawifiah tel ngei tur a ni."
Lalremruata Chhangte chuan, "Mizoram sorkar Dan dinglai, GAD Office Memorandum No.F.15016/13/2010-GAD dt. 28th June, 2016 ang chuan Chief Minister tan hian car cheng nuai 15 man aia sang lei phal a ni lo a, tuna Chief Minister car thar cheng nuai 30 man deuh thaw lei thei tur hian Dan dinglai chu a bik taka pawh fan (Relaxation) hial ngai a ni a. Dan dinglaiin a phal chin aia to daih lei thei tur hian GAD chu 24th April, 2025 khan Dan dinglai pawh fanna thupek hi siamtir a ni. (vide.ID.No.GAD:149/2025/SAD(VW) dt.24th April, 2025)".
"Sorkar dan dinglaiah ‘sorkar motor lei thar reng reng a var(white) emaw, off white emaw a ni tur a ni’ tih anih laiin Chief Minister car lei thar hi a dum (black) a ni leh hlauh bawk a. Sorkar motor reng reng mimal hminga register lovin, sorkar hnathawkte designation anga register thin anih laiin, tuna Chief Minister car lei thar hi mimal hminga register a nih leh zel avangin he car thar lei dan hrim hrim pawh hi a ngaihthatthlak loh a. Chief Minister hian car lei thar hi mipui laka zep theih anih beiseiin sorkar kalphung kalh hlauhin mimal hmingin a register tir tihna a ni ang em? Anih loh pawhin sorkar sum-a lei nisi hi a hnu zelah neitu nihna hauh zui a tum vang a ni em? tihte hi zawhna lian tak a ni.
"Chief Minister Pu Lalduhoma hian inthlan campaign lai khan ‘ZPM Chief Minister chuan Car pakhat bak a mamawh dawn lo, ZPM Chief Minister chu Car man toah a chuang ve dawn lo’ tih thu hi mipui hmaah vawi khat mai ni lo, vawi tam tak, hmun hrang hrangah a sawi a. Chief Minister atana lakluh anih tak ni, 8th Dec. 2023-a chanchinbumite a kawmnaah ‘Minister tinten motor thar kan lei dawn lo, kei pawh tiamin…..’ tih a sawi nawn leh bawk. Chutiang taka mipui hmaa a thutiam zawng zawngte chu a video footage pawh awlsam taka hmuh theihin a la awm vek a. Upa in a chil per pawh a la reh hma an tih ang tak tak, hun rei lote chhunga a thutiam bawhchiaa car man to, cheng nuai 30 man vel lai, sorkar Dan dinglai zawng zawng pawt fan chung leh nghala a lei leh si hi thil zahthlak tawp a tling a, Zoram mipuiten engti kawng maha an rin chhunzawm theih tawh loh tur Chief Minister kan nei hi a vanduaithlak tak zet a ni," a ti bawk.
"Chief Minister hian Kuthnathawktute Sawhthing man tam tak a la batsak mek a, kum 3 vel chauh la hman Car chak tha tak a kawl sa reng bawk a. Cheng Vaibelchhe tam tak ba nei tun chung leh la bat belh zel chunga nuai 30 man vel Car 'a to lo' ti tlat tu Chief Minister in kalphung thar kawng min zawhpui mek hi tlakranna kalphung, retheite rahbehna leh neksawrna kalphung mai a ni tih hi Zoram mipuite hriat nawn leh atan MNF chuan kan puang a ni," a ti.
Latest News
ZPM in media interview phal lo
by News Editor
3
d
28 October 2025
FCAA 2023 Mizoram tan a himloh...
by News Editor
3
d
28 October 2025
Joint Civil Society in Total B...
by News Editor
3
d
28 October 2025
Dampa biala Chief Minister Spe...
by Editor
7
d
24 October 2025
Kum 10 aia rei rorelna fawng k...
by Editor
8
d
23 October 2025
Mizoram State University leh K...
by Editor
8
d
23 October 2025
Ka tlak nawn leh chuan a zahth...
by News Editor
10
d
21 October 2025
Khaw tinin hna in thawk mek a...
by Editor
10
d
21 October 2025
CYMA Finance Secretary mimal c...
by Editor
10
d
21 October 2025
Damdawiin te manganna leh hars...
by Editor
10
d
21 October 2025
Mizoramah sorkarna chelhtu kan...
by Editor
11
d
20 October 2025
Mizoramah sorkarna chelhtu kan...
by Editor
11
d
20 October 2025
MNF party hian kan ram felna t...
by Editor
11
d
20 October 2025
October 29 a ram pum huap tota...
by Editor
13
d
18 October 2025
Dr R Lalthangliana leh John Ro...
by Editor
13
d
18 October 2025
Kan kawngpui chhiat em em chha...
by Editor
14
d
17 October 2025
Thenzawl Peace City Master Pla...
by Editor
14
d
17 October 2025
K Sapdanga Sairang Rail Statio...
by Editor
17
d
14 October 2025
Lunglei West MLA T Lalhlimpuia...
by Editor
17
d
14 October 2025
Chief Minister in Hnahsin Kut...
by Editor
17
d
14 October 2025